ملائیشیا کے لاپتہ طیارے ایم ایچ 370 کی تلاش جاری

مہر خبررساں ایجنسی نے ذرائع کے حوالے سے نقل کیا ہے کہ ملائیشیا کے لاپتہ طیارے ایم ایچ 370 کی تلاش میں حصہ لینے والی ٹیم کاکہناہے کہ سمندر میں تلاش کے لئے مزید گہرائی میں لے جائے جانے والے آلات استعمال کرنے پر غور کررہے ہیں۔ آسٹریلیا کے شہر پرتھ میں پریس کانفرنس میں حکام کاکہنا تھا کہ سمندر میں 40 لاکھ مربع کلومیٹر سے زائد علاقے میں لاپتہ طیارہ تلاش کیا گیا۔لیکن بدقسمتی سے کچھ بھی نہ مل سکا۔آسٹریلیا کے نائب وزیراعظم وارن ٹروس نے کہا طیارے کی تلاش کرنے والی ٹیم ایسے آلات استعمال کرنے پر غور کررہی ہے، جو منی سب بلیو فن 21 سے زیادہ سمندر کی گہرائی میں جاسکیں۔